Boustene van gebed
Lees: Lukas 11:1-13
“Jesus was êrens op ‘n plek besig om te bid. Toe Hy klaar was, sê een van sy dissipels vir
Hom: ‘Here, leer ons bid ...’’ (Luk. 11:1)
Die dissipels het raakgesien dat Jesus baie tyd in
gebed deurgebring het. Toe hulle sien hoe
belangrik gebed in hulle Leermeester se lewe is, het hulle Hom gevra om hulle
te leer bid. In antwoord op hulle
versoek het Jesus vir hulle die Ons Vader-gebed geleer.
Die werkwoord leer
vertel vir ons dat gebed meer is as net ‘n klomp gedagtes wat
bymekaargesit word. Elke gebed bevat
sekere “boustene” – net soos ‘n muur van stene gebou word. En net soos ‘n muur steen vir steen gebou
word, moet ons ons gebede steen vir steen bou met hierdie “boustene”.
Die Ons Vader-gebed leer ons wat hierdie “boustene”
is: lof, dank, belydenis, voorbidding en
versoeke. Wanneer jy bid, begin deur die
Here te loof. Sê daarna vir Hom dankie
vir alles wat Hy vir jou doen en gee.
Bely jou sonde voor Hom. Onthou
om vir ander mense te bid en vra laastens vir die Here die dinge wat jy graag
wil hê. In die volgende paar dae gaan ons verder gesels oor hierdie boustene van gebed.
Wenk: Skryf die
vyf boustene van gebed iewers in jou Bybel neer. Maak seker jy gebruik hulle almal elke keer
wanneer jy bid.
Here, leer my om
seker te maak my gebede tot U bevat al die boustene van gebed. Dankie vir die Ons Vader-Gebed wat my leer
bid. Amen
Nina Smit :
Chill-tyd vir Meisies
✉
: Jesus se Dogterkind @ Facebook ♡
♡†♡ Aan God die drie-enige, alleen die eer! ♡†♡
No comments:
Post a Comment