Fnuik die eksamenspook!

Fnuik die eksamenspook!

 Moenie bang wees nie, Ek is by jou, moenie bekommerd wees nie, Ek is jou God.  Ek versterk jou, Ek help jou, Ek hou jou vas, met my eie hand red Ek jou.  -  Jesaja 41:10

Voor die eksamen:

✍ Dink positief!  Besluit om jou bes te doen.

✍ Sukses vereis altyd harde werk.  Wees bereid om alles in te sit.

✍ Begin dadelik met jou eksamenvoorbereiding en hersiening.  Lees al jou werk noukeurig deur en maak opsommings van die belangrikste feite.

✍ Stel vir jou ‘n eksamenrooster op en moenie vrae “spot” nie – dit werk selde!

✍ Sorg dat jy genoeg slaap kry.

✍ Eet gesond, kry genoeg oefening en ontspan soms.  ‘n Mens kan nie langer as ‘n uur aanmekaar konsentreer nie.

In die eksamenlokaal:

✍ Vra die Here om jou te help, en lees jou vraestelle noukeurig deur.

✍ Maak seker dat jou antwoorde reg genommer is.

✍ Moenie moed verloor as jy een vraestel sleg geskryf het nie.  Probeer volgende keer ekstra hard.

✍ Onthou altyd:  Die Here is by jou en Hy wil jou help.

Vertroue is belangriker as prestasie.  Dit is

belangriker dat ek doen wat U in my wil doen,

sodat ek kan word wat ek volgens u

gedagte en u wil is.

(Jörg Źink)

~ Nina Smit~

Share on Tumblr