God gee *alles*!
Lees Romeine 8:31-35
Hy het sy eie Seun nie gespaar nie, maar Hom
oorgelewer om ons almal te red. Sal Hy
ons dan nie al die ander dinge saam met Hom uit genade skenk nie? - Romeine
8:32
Dit is nie maklik om ‘n ware kind van God te wees nie,
want die Here vra dat jy jou hele lewe aan Hom moet oorgee. Miskien is jy bang om so ‘n totale commitment so vroeg in jou lewe te
maak. Of dalk twyfel jy of jy dit ooit
sal kan doen. Gelukkig vra God nooit
iets van ‘n mens wat jy nie vir Hom kan gee nie. Inteendeel, Hy gee vir jou soveel méér as wat
Hy van jou vra. Hy gee sélfs die lewe
van sy enigste Seun prys. Hy laat Jesus ‘n
wrede kruisdood sterf sodat jou sondeskuld betaal kan word.
God gee sy álles vir jou; en omdat Hy sy Seun oorgelewer het sodat jy
gered kon word, sal Hy ook vir jóú alle ander dinge uit genade skenk – só belowe
vandag se teksvers vir jou. Jesus het
vir jou die reg verdien om God se kind te wees.
Al wat jy hoef te doen, is om God se genade-aanbod te aanvaar en Hom in
jou lewe te nooi as jy dit nog nie gedoen het nie.
Moenie langer wag om jou lewe aan Hom oor te gee nie!
Hemelse Vader, baie dankie dat U
alles vir my kom gee het. Ek wil u
genade-aanbod aanvaar – maak my bereid om van nou af voluit vir U te lewe.
*Iemand wat sy alles vir God gee,
kry duisend maal meer terug.*
Nina Smit
: Elke dag ‘n droom
♡
Jesus se Dogterkind / Facebook ♡
♡†♡ Aan God drie-enig, alleen die eer! ♡†♡
(Die uitsendings van al my boodskappe, hang af van die
stabiliteit van my internet konneksie.
Wanneer daar dus onderbrekings daarin is, sal daar ongelukkig ook geen
boodskappe uitgestuur kan word nie.)
No comments:
Post a Comment