Jy en jou kleredrag
En wat bekommer julle julle oor klere? Let op hoe groei die veldlelies: hulle swoeg nie en hulle maak nie klere nie.
Maar Ek sê vir julle: Selfs Salomo in al sy prag was nie geklee soos een
van hulle nie. - Matt. 6:28-29 (Lees:
Matteus 6:25-34).
Jy en jou ma sit seker soms vas oor jou klere, nè? As jy jou denims wil dra, reken sy ‘n rok sal
meer gepas wees. Sy is seker ook nooit tevrede met die lengte
van jou mini’s nie, of hoe? Tog weet jou
ma dat klere vir jou baie belangriks is.
Sy weet dat jy liewer dood as uit die mode sal wees. Maar sy het ook ‘n goeie rede waarom sy
opmerkings maak oor jou klere.
Wanneer jy
iemand in skooldrag sien, weet jy dadelik in watter skool hy/sy is. Net so behoort ander mense aan jou kleredrag
te kan sien dat jy ‘n Christen is. Dít
is die rede waarom jou ma inmeng in jou keuse van klere, waarom sy kla oor
daardie lae hals en die té kort romp – sy wéét hoe maklik meisies se kleredrag
seuns kan verlei.
Trek dus só aan dat
die seuns met skoon gedagtes na jou sal kyk, dat hulle jou as ‘n “troumeisie”
sal merk en nie as ‘n “vrymeisie” nie. Geniet dus gerus jou mooi rok of
nuwe langbroek. Onthou net dat mense aan jou kleredrag moet kan sien
aan Wie jy behoort.
Here, help my om só aan te trek dat mense sal kan sien
dat ek u kind is.
*Ek moet so
aantrek dat my seunsvriende my sal respekteer en dat mense sal kan sien ek is ‘n
Christen.*
Nina Smit : Dagboek vir Dogters
♡
Koningsdogters vir Jesus Page @ Facebook ♡
♡†♡ Aan God die drie-enige, alleen die eer! ♡†♡
No comments:
Post a Comment