Jy is nodig!
Die Here het hulle nodig. -
Matt. 21:1-3
Dit is wónderlik en bemoédigend vir ‘n persoon wie
dalk swak of minderwaardig mag voel, om te weet dat die Héér ‘n eselin met haar
vulletjie nodig gehad het, nê? Jesus het
selfs die éénvoudigste en swakste mens nodig, ook vir *jóú*. Christus het verseker
Christelike jongmense nodig. Dit is
tevergeefs dat ouers probeer om reg te leef en die wêreld te verbeter, as die
kinders nie in hulle voetspore volg nie.
Die samelewing het jou nodig om nuttige diens te doen, om die algemene
moraal te help verhoog, om toestande te verbeter en die sinkende deel van ons land
se mense, wat al moed verloor het in die hedendaagse lewe en toestande, op te
hef.
Die kerk het jou nodig om godvrugtig te
leef en saam te bid en te werk vir die uitbreiding van God se koninkryk hier op
aarde. Selfs jou getroue bywoning van
kerk en jeugbedrywighede het die Heer nodig tot bemoediging van jou voorgangers
en as ‘n voorbeeld van ander jongmense.
Die vulletjie moes saam draf om sy moeder gewillig te maak om deur die
Heer gebruik te word. So bemoedig dit
ouers ook op die regte weg, as hulle kinders hulle volg soos die klein
eselvulletjie in Jesus se tyd, om Hom te dien.
Gebed: Here
Jesus, dankie dat Ú, grote Koning van
hemel en aarde, só nederig was om op ‘n eseltjie te ry en my so te wys, dat U
ook ‘n kind vol sonde en gebreke, soos ék, nodig het. Vorm my soos U wil sodat ek tot seën en diens kan wees vir my
geliefdes, naaste, kerk en land. In U heilige Naam. Amen
E-kaart: Poppie
Oosthuizen
Jesus se Dogterkind @ Facebook
♡†♡ Aan God die drie-enige, alleen die eer! ♡†♡
No comments:
Post a Comment