God maak ‘n wonderboom. -
Jona 4: 5,6 (Ou Vertaling)
Selfs nou nog wanneer Jona nie kon verdra dat God aan ander
moet genade bewys nie, laat God die gemene, stout kind nie aan sy lot oor
nie. Die Heer begryp baie goed die
teleurstelling in Jona se hart. Hy het
gesê dat die stad in 40 dae sou vergaan.
Hy sit nou en wag dat dit moet gebeur en God spaar die stad! Hy het nie God se liefde en doel met sy prediking
begryp nie. Maar nóg is God genadig oor
Jona. Hy laat hom nie versmag in die
hitte en sonsteek kry in die warm son nie.
Hy het seker al hoofpyn genoeg gehad van al sy inspanning om met
oortuiging te preek en nou van sy teleurstelling. Nee, God laat gou ‘n wonderboompie groei om
skaduwee oor Jona te maak. Ag, hoe
verkwikkend was dit net nie! Hoe heerlik
het Jona gerus. Hoe lekker koel voel hy
en sy hoofpyn bedaar sommer. Hy is bly
oor die wonderboom. Hy voel dat dit iets
is wat God spesiaal vir Hom gedoen het en hy neem dit met dank aan, maar nog
besef hy nie dat God dieselfde liefde vir ál Sy skepsels het nie!
MJ van Straten
No comments:
Post a Comment